Bekiekt Rhauderfehn, uns Gemeen in 't moje, südelk Oostfreesland, nu ok in d' Internet. Hier könnt Ji finnen, wat Ji söken: De Ferienoort, worr 't noch all grön is, liggt an de dütske Fehnrout, hier gifft 't heel völ to bekieken un na de Nordsee hen, is 't ok nich wied. De Bott för jo Unnernehmen - mit wirtschaftliche Klima un al utgewesene Ansiedlungssteen. De Platz to Wohnen un Leven, dicht bi Leer un Papenburg, mit völ Gelegenheid sük de Freeitied mooi to maken, en riekelk Angebood to 't Inkopen, mit mennig völ Doktors, so völ as ´t anners nargens up 't Land gifft un mit uns verscheden Scholen, worr Jo Kinner allerbest unnerbrocht bünd. Kiekt ok in uns Bürgerservice, daar steiht all dat in, wat wi maken un wat Ji weten willt. Daar könnt Ji 't all nalesen. Wenn Ji willt, könnt Ji ok een of anner Andrag runnerladen oder futt an d' Bildschirm utfüllen un uns online to komen laten. An uns Sieden word alltied wieder an arbeid. Wi bünd immer up Drahd, dat all recht un neei is. Vertellt uns, wenn irgendwat nich up Stee is, of anners maakt worden sall unner gemeinde(at)rhauderfehn.de